पैज... एक वेगळी प्रेम कहाणी...

काही नाही, अगं, तुझा दादा येणार आहे, पुण्याहून, तुला काही आणायचं असेल तर सांग, आत्ताच
आई असं बोलली तसं अवनी भानावर आली आणि म्हणाली
" हो हो मी फोन करते त्याला, नाही तर मेसेज करते, आई, आबा मी रुपाली कडे जाणार आहे. जाऊ ना? "
तिने विचारलं.
इतकी मोठी होऊन पण ती आपली परवानगी घेते हे बघून त्यांचा जीव मात्र सुखावला.
आणि आबासाहेब हसून बोलले
"जा, तिथे तिचा भाऊ पण येणार आहे, रितेश, त्याची आणि तुझी पण भेट होईल,"
ते हसतच म्हणाले, पण हे ऐकून तिच्या मात्र चेहऱ्यावरचे भाव बदलले. कोणी नाही पण अनिताने बघितलं. पण ती सगळ्यांसमोर लगेच तर काही बोलली नाही.