परत फिरा रे.. भाग ४(अंतिम)

सर्व घरी परतणार म्हणून राधा वहिनींची लगबग सुरू होती. त्यांनी सर्वप्रथम ही खुशखबर रेवाला दिली. तिला पण खूप आनंद झाला. राधा वहिनींनी त्यांच्याकडे असलेल्या ताईंना मदतीला घेऊन खूप सारे पदार्थ बनवले होते. घर सजवलं होतं. आता मुलं कधी एकदा येतात असं त्यांना झालं होतं. ठरल्याप्रमाणे दीड महिन्यांनी दोन्ही मुलं सहकुटुंब घरी परतली. राधा वहिनींनी त्यांना ओवाळून घरात घेतलं. सगळ्यांचे डोळे आनंदाने लकाकत होते. सगळ्यांनी राधा वहिनींना मिठी मारली. स्वरा आणि साहिलच्या आनंदाला पारावर उरला नाही. आजीच्या सहवासासाठी दोघही आसुसले होते. रोहित म्हणाला,