परतफेड भाग- १

शारदाच्या घरी फक्त घरचे लोक भाऊ विकास भावजय विद्या आणि दोन बहिणी राहिल्या.लग्नात पुढे काय काय करायचे, खर्चाचे बजेट ठरवायचे होते. शारदाची परिस्थिती जेमतेम होती, नवरा शेतकरी होता, तस खाऊन पिऊन सुखी कुटुंब होत, पण लहरी हवामानामुळे कधी पीक चांगल मिळायच तर कधी नापिकीचा सामना करावा लागत होता. त्यांना अजून दोन मुले होती मधली राधा आणि धाकटा मुलगा सुजय दोघे शिकत होते.

'घर पहावं बांधून आणि लग्न पहावे करून' अशी म्हण आहे. लग्नात होणाऱ्या खर्चाची चिंता दोघांना लागली होती. म्हणूनच सगळे पाहुणे गेल्यावर लग्नाचे नियोजन करण्यासाठी भाऊ बहिणी बसले होते.