परतुनी येईल मी... भाग ३

तिच्या सुंदरतेचे बद्दल त्याने फक्त ऐकले होते. आज तिला बघण्याचा योग येणार होता म्हणून तो लपला. ती हळू हळू जवळ येत होती. त्याच्या हृदयाचे ठोके वाढत होते. तिला बघण्याची उत्सुकता शिगेला पोहोचली होती. आता ती अगदी त्याच्या समोरून जाणार होती. त्याने हळूच किंचितसा पडदा बाजूला केला आणि त्यातून बघण्याचा प्रयत्न करत होता. पण ती काही दिसली नाही. कारण ती आणि तिच्या निवडक मैत्रिणी चारही बाजूनी वेढलेल्या पडद्याच्या कमानीतून चालत होत्या. त्याचा हिरमोड झालं. तरी तो तिच्या त्या कमानीला बघत होता. त्याचे लक्ष तिच्या पायांकडे गेले. कमानीतून त्याला फक्त तिचे ते नाजूक पाय दिसले ज्यात घातलेल्या पैंजनाच्या घुंगारांचा आवाज येत होता आणि सोबतीला तिच्या निखळ हास्याचा आवाज होता. त्यातच तो सुखावला.