बालक आणि पालक!

बालक आणि पालक म्हणजे मुलाच्या जन्मापासूनच जोडलेले नाते! लहान मुलं तरुण अवस्थेत पोहोचेपर्यंत आपल्या पालकांवर अवलंबून असते. तसेच ते जे पाहिलं आणि ऐकेल तसेच अनुकरण पुढे करते. मुलांवर संस्कार करण्याचे एक शिवधनुष्यच आई-वडील उचलतात. कारण जस जसे लहान बाळ मोठे होत जाते तस तसे आधी घर मग नंतर शाळा ह्यात ते गुंतत जाते. स्पर्धेच्या ह्या युगात टिकण्यासाठी पालकही आपल्या पाल्यासाठी योग्य काय आहे तेच पाहतात परंतु आज काल असे दिसून येते की मुले हट्टी होत आहेत. त्यांना हवं ते मागण्यासाठी ते हट्ट करतात. पर्यायाने आपल मूल ऐकत नसेल तर त्याचे आईवडील तो रागवू नये किंवा रडू नये म्हणून ते पूर्ण करतात पण प्रश्न असा पडतो की मग एखाद्या गोष्टीसाठी वाट पाहणे आणि संयम हे गुण त्या मुलांमध्ये न येता मला हवं ते मिळणार असे ते निश्चित करतात त्यामुळे पुढे जावून मुलांनी काही मागितले आणि तर तेव्हा नाही मिळाले तर ते त्यांना सहन होत नाही. ह्यासाठी पालकांनी कोणता हट्ट पुरवावा हेही लक्षात घेतले पाहिजे आणि कोणत्याही गोष्टीसाठी वाट पाहणे हे ही त्यातून सांगायला हवे.