पातळ भाजी भाग 12

मी म्हणालो ," किती हा विचार करताय ,तिला मूळ मुद्दा आपण आई वडील वाटले तर पाहिजे..तिला आपल्या सोबत रहायला आवडले तर पाहिजे...ती तिच्या घरी अशीच उभी राहून काय तुमच्या सारखा विचार करत असेल का सांगा...ती विचार करत असेल की हे किती केले तरी सासर घर आहे..हे त्याचे आई वडील आहेत...ह्या नात्याने ते सासू सासरे आहेत.. त्यांना का म्हणून इतक्या सहज आई बाबा म्हणायचे..हे आई वडील होऊ शकतात का ?? त्यांना जपून विचार करून बोलावे लागेल ,इथे आपण आई वडिलांसोबत किती सहज बोलत असतो...काही ही बोलले तरी आई वडिलांना आपल्या बोलण्याचा राग येत नसतो,पण सासरी तर हे होणार नाही..आपण माहेरी जितके सहज वागतो तितके सहज ह्यांच्या सोबत नाही जमणार वागायला..किती म्हणा आई बाबा त्यांना ते आई बाबा होऊ शकणार नाहीत..तशी मी आई बाबांची खास जागा कोणाला इतक्या सहज देऊ शकणार नाही...असे काही तरी तिच्या मनात चालले असणार..आणि हे प्रत्येक नव वधूच्या मनात चालूच असते... तिला काही वर्षे लागतात इथे हे आपले घर आहे हे मानून घ्यायला.. तू सासू आहेस आणि तुला तिने मनापासून आई म्हणायला ही खूप कालावधी जावा लागतो...तू विचार करत आहेस सून आहे लेक म्हणून वागवू म्हणणे सोपे आहे ,पण ते तिला ही अवघड आहे ,आणि तुला ही अवघड आहे.."