पिंजरा (भाग 2) जलद कथामालिका लेखन स्पर्धा

                \"सागर तुला पाहताक्षणीच मी तुझ्या प्रेमात पडली होती. पण या डायरीत तुझ्याबाबत लिहू की नाही ? हा प्रश्न माझ्या समोर उभा होता. बऱ्याच वेळेस त्या प्रश्नाकडे मी दुर्लक्षही केलं होतं. हे प्रेमाचं पान असंच कोर ठेऊन याबाबत काही लिहायचं नाही असा निर्णयही मी घेतला होता. नंतर मात्र माझं पाहिलं प्रेम, माझ्या डायरीतील \"सोनेरी पान\" जर मी लिहलं नाही तर कदाचित माझी डायरी अपूर्णच राहिली असती. म्हणून आज डायरीच्या शेवटच्या पानावर माझ्या प्रेमाबाबत लिहीत आहे. तुझं प्रितीवर खूप प्रेम आहे, हे मला माहिती आहे. पण मला हेही माहिती आहे की, तिचं पूर्वआयुष्य आणि तिच्याबद्दलचं सर्वकाही तुला माहीत पडलं तर तुमचं मिलन होणार नाही. पण तू मला मिळावा म्हणून मी तुला तिच्याबद्दल कधीच काही सांगणार नाही. कारण मी तुला सांगितले तर प्रिती माझ्यापासून कायमची दूर जाईल हे मला नको आहे. मला तिला दुःख द्यायचं नाही. तिच्याशिवाय मी राहू शकत नाही. ती छोट्या बहिणीसारखी मला प्रिय आहे. पण सागर मला तू देखील हवा आहेस कारण तू माझं पाहिलं प्रेम आहेस. \"तुझा नुसता विचार जरी मनात आला की, एक थंड हवेचा गारवा मनात शिरून गुणगुणत आहे असं वाटतं.\" एक वेगळचं सुख मिळतं. आयुष्यभर तुझी सोबत हवी आहे. तुझा हात-हातात घेऊन चांदण्यारात्री फिरायचं आहे. तू जेव्हा समोर असतो तेव्हा मी माझीच राहत नाही. तुझ्याशी ऐकांतात तासंतास बोलणारी मी, तुझ्यासमोर मात्र गप्प बसते. मला काही सुचत नाही. एक वेगळंच दडपण माझ्यावर येतं. हे दडपण मला हवेहवेसेही वाटतं. पण तुला माझ्याबाबत असे काही वाटत नाही, हेही मला चांगलच माहीत आहे. म्हणून उद्या तू जरी माझ्या आयुष्यात नसलास तरी, हे माझ्या डायरीचे पान माझ्यासोबत कायमचं राहिल. ते कोणीच हिरावून घेऊ शकनार नाही माझ्याकडून. म्हातारपणी मला हे पान वाचायचं आहे. पुन्हा हेच प्रेम अनुभवायचं आहे, ते जगायचं आहे, त्या भावनेत रममाण व्हयाचं आहे, मनमुराद हसायचं देखील आहे. तू तेव्हा सोबत असशील की नाही ? खरंच माहीत नाही. पण या पानामधून तुला माझ्या आयुष्यात कायमचं ठेवायचं आहे. 

0