पोस्टमन

नवीन जेव्हा या गावात आले होते तेव्हा कशी त्यांची तारांबळ उडत होती... प्रत्येक घरात जाऊन नुसते पत्रच द्यावे लागायचे नाही, तर त्यांना ते वाचून देखील दाखवावे लागे. माणसांना घसा कोरडा पडेपर्यंत शिरा ताणेपर्यंत सांगावे लागे, कारण म्हाताऱ्या माणसांना ऐकायला कमी येत असे. किती तरी लोकांना पत्रे लिहून देखील द्यावी लागत. या सगळ्या जुन्या आठवणी मनात येऊन ते भारावले गेले होते.