प्रतिबिंब ( भाग चवथा )

सगळ्यात मला आवडते माझं कोणत्याही वेळी सारखंच दिसणार आगळंवेगळं रूप. म्हणजे काय ना. मी कसही राहो. अंघोळ करो किंवा पारोसा राहो. माझ्यात काडीचा फरक दिसतं नाही. खुद्द माझ्या लग्नात मी उशिर व्हायला नको म्हणून सकाळीच अंघोळ करून सगळं आटोपून बसलो होतो तर त्या दिवशी मुलांकडच्यांनी सोडाच पण मुलीकडच्यांनी पण, जावाई बुवा अंघोळ करून घ्या ना असं दहा वेळा येवून म्हटलं होतं. आता याचा उपयोग मला ऑफिस मध्ये कधी उशीर झाला म्हणून अंघोळ न करता गेलो तरी कोणालाच काही समजत नाही हा फायदा होतो.