प्रीती.. पर्व दुसरे! भाग -५३

दोघे काहीतरी बोलतील या हेतूने कृष्णाने त्यांना मागे बसायला भाग पाडले होते. पण घडत तसं काहीच नव्हतं. जिच्यासाठी सोनिया आणि त्याने मुंबई गाठली होती, ती प्रीती मोहनच्या बाजूला बसली होती. त्याला काय बोलावं कळत नव्हते. जीला काळजाचा तुकडा समजून वाढवले ती स्वीटी, जिच्यासाठी घर सोडले ती प्रीती.. कोण माझ्या अधिक जवळचे? त्याला फरक करता येत नव्हता. ज्या अधिकाराने स्वीटीला मिठी मारून तो घरातून निघाला होता, प्रीतीवर तोच अधिकार गाजवायला मन हिम्मत करत नव्हते.