प्रीती.. पर्व दुसरे! भाग -७५

लग्नघटिका समीप येऊ लागली तसे सोनियाच्या हृदयात धडधडायला लागले. नारिंगी रंगाची पैठणी नेसून, अंगावर दागिने लेवून ती बसली होती. नववधूचे तेज चेहऱ्यावर आले होते. आधीच मूर्तिमंत सौंदर्याची खाण असलेली ती अधिकच सुंदर भासत होती. मोहन तिच्याशेजारी होता. वय वाढले असले तरी त्याचे राजबिंडे रूप अजूनही तसेच होते. दोघांची जोडी अगदी मेड फॉर इच अदर दिसत होती. सोनियाच्या बाजूने तिचे संपूर्ण कुटुंबीय होते तर मिहीरचे कुटुंब आता मोहनचे बनले होते. माही त्याच्याकडे जातीने लक्ष घालून सर्व विधी करून घेत होती.