प्रीती.. पर्व दुसरे! भाग -७८

बाहेर आल्या आल्या हॉलमध्ये तिच्या दृष्टीस मिहीर पडला. तो प्रीतीसोबत काहीतरी बोलत होता. प्रीतीला ती पहिल्यांदा भेटली तेव्हाच तिला ती आवडली होती. 'ही गोड मुलगी मिहीरशी इतके हितगुज करतेय म्हणजे तो नक्कीच चांगला असावा.'  सहजच तिच्या मनात आले आणि त्या विचाराने ती स्वतःच चमकली. मिहीरकडे बघत असताना त्याचीही नजर अचानकपणे तिच्यावर गेली आणि बावरुन मग शालिनीने दुसरीकडे लक्ष केंद्रीत केले.