प्रेम म्हणजे नक्की काय? भाग १

'किती लकी आहे ही स्मिता. तिचा नवरा किती जीव लावतो. छान छान सरप्राईज देतो. चॉकलेट डे होता तेव्हा देखील चॉकलेटचा किती मोठा बॉक्स दिला होता. टेडी डे होता तेव्हा देखील किती मोठा टेडी आणून दिला होता. नाही तर प्रशांत त्यांना तर काहीच पडली नाही. नेहा डबा झाला का? माझा रुमाल कुठे आहे? आज मीटिंग आहे, उशीर होईल? बस हेच असतं. सतत आपलं काम. जास्त काही नाही कमीत कमी एक गुलाबाचं फुल तर देऊच शकतात ना? स्मिताचं आयुष्य किती छान आहे , रोमँटिक नवरा आहे. किती प्रेम करतो. प्रशांतना मी आवडते ना? आवडत असते तर त्यांनी देखील माझ्यासाठी हे सर्व केलं असतं. नक्की प्रेम करतात ना?' स्वतःच्या आयुष्याची बरोबरी ती स्मिताच्या आयुष्याशी करू लागली.
दिवसभर डोक्यात हेच विचार चालू होते.