प्रेमा तुझा रंग कसा... भाग ३

ती त्याचे बारकाईने निरीक्षण करत होती. गव्हाळ वर्ण होता त्याचा. फोटोत दिसत होता त्यापेक्षा आकर्षक होता, फक्त डोक्यावरचे केस थोडेसे विरळ झाले होते. त्याने तिच्याकडे पाहिले, पण ती नजर तिला बोचली नाही. स्त्रियांचा सिक्स्थ सेन्स जागृत असतो. पुरुषांची नजर शरीरावर कुठे फिरते, कुठे स्थिरावते हे त्यांना बरोबर कळते. तशी वासना तिला त्याच्या नजरेत दिसली नाही, आणि ती त्याच्या प्रेमातच पडली.