प्रेमाचा चकवा भाग - ९

"तो अजून बोलला की आपल्या समाजात स्त्री आणि पुरुषांसाठी किती वेगवेगळे नियम आहेत. एका मुलीचे दोन दिवसात घटस्फोट होऊ दे की दोन वर्षाने किंवा एखादीचा नवरा लवकर मरण पावलेला असू दे. आपण जेव्हा तिच्या लग्नाचा विचार करतो तेव्हा एखादा घटस्फोट झालेला, विधुर, मुलं असलेला पण चालेल बोलतो. अविवाहितवाला तर ऑप्शन नसतोच तिला दूरदूर पर्यंत पण पुरुषाच्या बाबतीत रूल वेगळे आहेत. पुरुष मंडळी कितीही वर्षाने लग्न करायला निघू दे , त्याला मुलं जरी असले तरी तो आधी एखादी अविवाहित मुलगी लग्नासाठी बघतो आणि आश्चर्य म्हणजे त्यांना मिळतात देखील मुली. मग हाच रुल मुलीसाठी का नाही? तिला का अविवाहित पुरुष मिळू नये? तिने स्वतःला डाग लागला म्हणून मिळेल त्याच्यासोबत लग्न करावं काय? तिला तिच्या मनाने जगायचा अधिकार नाही का? त्याला आपल्या लोकांचे हेच विचार मोडून काढायचे आहेत असं तो म्हणतो. मग बोला कसे आहेत मुलाचे विचार? समोर बोलणी करायची काय तुम्ही सांगा. तुम्ही हो बोलले तर कांद्या पोह्याचा कार्यक्रम करता येईल. योग जुळून आला तर आणखी परस्पर माहिती काढू शकता तुम्ही."