प्रेमाचा रंग एक असाही भाग ७

" म्हणजे, आता आवडू लागली असं नाही. तर ज्या दिवशी मी आलो इथे राहायला त्याच दिवशी, मी पहिल्यांदा तुझा आवाज ऐकला होता, तू बाहेर बागेत असताना बोलत होतीस; तेव्हा पासून तुला पाहण्याचे, तुझ्याशी बोलण्याचे जणू वेधच मला लागले होते. जसं जशी तुझ्या सोबत ओळख वाढत गेली तसं तू अजून जास्तच मला आवडू लागली. अंतरा, माझं प्रेम आहे तुझ्यावर. हो, खरंच मी तुझ्या प्रेमात पडलोय. माहित नाही कसं पण, माझं मन तुझ्याकडेच धाव घेत. माझी अशी अजिबात इच्छा नाही की तू आता लगेच यावर मला काही उत्तर द्यावे. मला फक्त माझं मन तुझ्याजवळ मोकळं करायचं होतं, जे मी केलं. माझ्या भावना तुला सांगायच्या होत्या. अंतरा, तुझ्या आयुष्यात काय प्रॉब्लेम आहे मला माहित नाही पण, मी तुझ्या सोबत कायम असेन ह्याची तू खात्री बाळग. मी वचन देतो तुला अंतरा जेव्हा कधी तुला माझी गरज लागेल मी तुझ्यासाठी तिथे कायम हजर असेन."