प्रेमाचे घरटे (भाग १)

तिघांनी मिळून आधी जेवण केले. जेवण होताच आराध्याने दिवसभरात घडलेल्या घटनांचा वृतांत कथन केला. आराध्या त्या रात्री अनिकेतच्या कुशीत विश्वासाने झोपी गेली होती.
स्मिता मात्र अस्वस्थ झाली होती. तो क्षण, तो दिवस ती कधीच विसरू शकत नव्हती. खिडकीतून बाहेर बघतांना तिचं लक्ष त्या पक्षाकडे गेले. तर तो सुद्धा अजुनही अस्वस्थपणे झाडावर बसला होता. अंधाराचे साम्राज्य पसरले होते. तरीही त्याच्या नजरेत एक आशा जाणवत होती. त्यांची सैरभैर नजर स्मिताला स्वस्थ बसू देत नव्हती. आपली पहिली आठवण, आपलं प्रेमाच प्रतिक असलेल आपलं बाळ... तो पक्षी माझ्या प्रमाणेच त्याच्यात एक हरवलेली आई शोधत होता. हृदयाची धडधड वाढली होती. तेवढ्यात अनिकेत उठून तिच्या जवळ आला.