प्रेमगंध : भाग १

अत्यंत कमी शेतीत शिरपा व मालती आपले साधे जीवन जगत होते. मालती दुस-यांच्या शेतात मोलमजूरीला जात असे.आपल्या या गरीबीत सुंगधाला कसे शिकवायचे हा प्रश्न त्यांच्यापुढे होता पण दोघांच्यात हिम्मत भारी होती.
" आमच्या पोरीला कायपण करुन शिकवायचे " असं शिरपा नेहमी म्हणत असे. मालतीही त्याला दुजोरा देत होती.सुंगधा शाळेत जाऊ लागली. आपल्या कलागुणांनी तिने शाळेत छाप पाडली होती.खेळात व वत्कृत्व स्पर्धेत तिला अनेक बक्षिसे मिळू लागली.हळूहळू तिच्यातील उत्साह वाढत होता.ती खेळात , अभ्यासात शिक्षणात परिपक्व होत होती.तिच्या बुद्धिमत्तेची चुणूक शिक्षकांना व आई बाबांना जाणवत होती.