प्रिय अरुण यास

नेमका गैरसमज कुठे झाला माहित नाही.कदाचित माझ्याकडून चूक झाली असावी. पण त्या किरकोळ गोष्टीचा मी पर्वत केला आणि तुझ्याबद्दल मनात अढी ठेवली. त्याच दरम्यान तुझे लग्न ठरले. तू स्वतः पत्रिका द्यायला आला. मी वरवर हसून स्वागत केले पण तूझ्या लग्नाला जाणार नाही हे आधीच ठरवले होते. लग्न बाहेरगावी होते.आदल्या रात्री लग्नाचे वऱ्हाड निघणार तेव्हा तू कोणालातरी मला घ्यायला पाठवले. मी गेलो नाही तेव्हा तू स्वतः मला घ्यायला आला. मी आजारी असल्याचा बहाणा केला आणि गेलो नाही.माझा खोटेपणा तुला लक्षात आला असेल. तरी तू काही बोलला नाही.परत परत आग्रह करत राहिला..
मी गेलो नाहीच.