प्रिया आज माझी.... भाग १

राहुलच्या बंगल्याच्या हिरव्यागार प्रशस्त पटांगणावर शेखर राहुल आणि मिहिका गप्पा मारत होते. बऱ्याच दिवसांनी ते तिघे असे एकत्र आले होते त्यामुळे कॉलेजच्या जुन्या दिवसांची उजळणी होत होती. राहुलच्या विनोदांना शेखर दादही देत होता पण त्याच्या मनात आत जे विचारांचे काहूर चालले होते ते राहुल आणि मिहिकाला दिसू न देण्याचा तो कसोशीने प्रयत्न करीत होता.
राहून राहून एकच प्रश्न त्याला भंडावून सोडत होता.
ती कुठे असेल?