प्रिया आज माझी भाग१९

हातावरच्या जखमेवर पट्टी बांधली होती तरी जखम थोडी
चुरचुरत होती म्हणून जखमेवर फुंकर मारीत ती रुममध्ये शिरली आणि तेवढ्यातच फोन खिशात ठेवून इयरपॉड लावून फोनवर बोलत येणाऱ्या शेखरशी तिची टक्कर झाली....ती त्याच्यावर आपटणारच होती इतक्यात आपले दोन्ही हात समोर धरत तो मागे झाला....पण समोर दार आहे असे समजून पुढे येणाऱ्या बेसावध असलेल्या तिचा तोल गेला आणि ती पुढे पडणारच इतक्यात त्याने तिला जवळ येऊन सावरले. भेदरल्यामुळे तिची स्पंदने वाढली होती...आणि आता या वेळी त्याच्या छातीजवळ असणाऱ्या तिची स्पंदने त्याला स्पष्ट ऐकू येत होती.