प्रिया आज माझी भाग २८

"हा समिर आहे का...आणि तो कोणाबरोबर बोलत आहे. जिच्याबरोबर बोलत आहे ती त्याला साईडने दिसत होती. जांभळी पैठणी..केसांचा नाजूक मेसी बन..त्यातले काही केसांच्या वलयाकृती जुड्या गालांवर सोडलेल्या होत्या. हातात हिरव्याकंच बांगड्या....खूप सुंदर आहे ही...ती त्याच्याबरोबर हसत बोलत होती. बोलता बोलता ती वळली आणि त्याच्या समोर तिचा चेहरा आला...प्रिया होती ती...इतकी सुंदर...लग्नाच्या पूजेला दिसत होती तशीच दिसत होती.. पाहत राहावे अशी. कपाळावरची चंद्रकोर तर अहाहा...त्या चंद्रावरून नजरच हटत नव्हती...मध्येच कोणीतरी ओळखीचे भेटले आणि समीरचा निरोप घेऊन ती इतर ओळखीच्या स्त्रियांबरोबर बोलू लागली.