प्रिया आज माझी भाग ३४

रात्रीचे दहा वाजले होते.
तो त्याच्या रूममध्ये बेडवर बसून लॅपटॉपवर आपले काम करण्यात गुंतला होता. प्रिया तिथे आली.
हल्ली तो तिच्याशी मोकळेपणाने बोलत असे. तो घरात असताना तिचे त्याच्याजवळ वावरणे त्याला आवडायचे. काम करताना तो मधूनच तिच्या नाजूक हालचाली टिपायचा. ती कधी फोनवर रिल्स बघता बघता स्वतःशीच हसायची तर कधी त्याचे वॉर्डरोब लावताना तिच्या आवडीचे एखादे गाणे मंद आवाजात गुणगुणत असायची. आताही ती वॉर्डरोबमध्ये त्याचे कपडे लावत होती. आणि तो मधूनच तिच्याकडे पाहत होता.....अचानक त्याचवेळी तिचे त्याच्याकडे लक्ष गेले....तो चलबिचल झाला आणि त्याच्या अशा पाहण्याने तिच्याही हृदयात चुळबूळ झाली.