प्रिया आज माझी भाग ३६

त्याच्या नजरेतली ओढ तिला संमोहित करीत होती. त्याने आपला चेहरा तिच्या चेहऱ्याजवळ आणला आणि हळू हळू त्याच्या श्वासांच्या उबेने तिचे सर्वांग मोहरत होते. त्याने आपले ओठ तिच्या पापण्यांवर टेकवले...ही कसली वेगळीच अनुभूती होती...कधीच संपू नये अशी वाटणारी.
ती पापण्या मिटून त्याला समर्पित होत होती. तिने घेतलेला दीर्घ श्वास तिच्या समर्पणाची ग्वाही देत होता. त्याचा श्वास थोडा लांब गेला तेंव्हा तिने डोळे उघडले...त्याचे डोळे निश्चल होऊन तिलाच पाहत होते....जणू पुढे तो जे करणार होता त्याची संमती मागत होते. तिच्या श्वासातील गहिरे उतार चढाव तिचे थरथरणारे कंपित ओठ त्याला स्वतःकडे येण्यासाठी आकृष्ट करीत होते. गहिरे श्वास घेत त्याने आपले ओठ तिच्या ओठांजवळ नेले तसे तिने डोळे मिटले...सुखाचा हा परमोच्च क्षण तिला भरभरून अनुभवायचा होता .....त्याची विवाहिता म्हणून स्वतःला सोपवून द्यायचे होते त्याला.....पूर्णपणे....