प्रिया आज माझी भाग ४५

कॉलेज झाल्यानंतर त्यानेच त्याच्या ऑफिसमध्ये तिला नोकरीला लावले. तात्पुरती जरी असली तरी त्या निमित्ताने का होईना ती त्याच्या जवळ असेल आणि तो त्याच्या मनातले भाव तिच्याजवळ व्यक्त करेल असे त्याला वाटले. पण जेव्हा त्याने तिला मनातले सांगायचे ठरवले तेंव्हाच तिने शेखरचा फोटो त्याला दाखवला. तो तिला पाहताक्षणीच आवडला होता हे जेव्हा ती त्याला म्हणाली तेंव्हा त्याने त्याच्या डोळ्यांत आलेले अश्रू तिच्यापासून लपवले. त्याचे स्थळ आल्यापासून ती खूप खुश असायची म्हणून तिच्यासाठी तो ही खुश होता. तिच्या आयुष्यातला एक देवदूत होता तो. तिच्या आयुष्यात त्याला अनन्य साधारण महत्त्व होते . तो तिला पियू अशी हाक मारायचा आणि ती त्याला आशू.