पुन्हा भेट

महाविद्यालयाच्या त्या दिवसांत प्रियतोष आणि शलाका एकत्रच असायचे. अभ्यास, प्रोजेक्ट्स, नाटके, मित्रांचे ग्रुप अगदी प्रत्येक ठिकाणी त्यांच्या जोडीचे नाव घेतले जायचे. मित्रमंडळीत अनेकदा वाटायचे, कोणी कोणी तर त्यांना चिडवायचे देखील, “तुम्ही दोघे खरंच फक्त मित्र आहात की दुसरे काही?”
तेव्हा दोघेही हसून टाळायचे; पण मनाच्या खोलवर मात्र दोघांच्याही मनात एक छोटीशी भावना अंकुरत होती, जी कधी दोघांपैकी कोणीही शब्दांत व्यक्त केली नव्हती.