पूर्ण प्रेम भाग ५ अंतिम ( जलद कथालेखन )

आणि आता वेळ निघून गेली होती.

सगळं स्वच्छ झालं होतं.

तिचं अयशस्वी लग्न.
तिच्या नवऱ्याचा चडचिडा स्वभाव.
ते नवऱ्याचे तिला नेहमी एकटे टाकणे.
ह्या गोष्टींनी तिला त्याची नेहमी आठवण यायची.
जे इतक्या वर्षात नाही मिळालं ते तिने त्या चारपाच तासात त्याच्याकडून भरभरून घेतलं होतं.
त्याचे नाव , त्याचे गाव सगळं सगळं ह्या वर्षांत प्रबोधनातून पुसलं गेलं होतं.
त्याचा चेहरा पुसला गेला होता पण प्रेमळ नजर कधीतरी विजेसारखी मस्तिष्कात चमकून जाई.
वासनेच्या आगीतून भाजून निघाल्यानंतर त्याचा चंदनस्पर्ष तिला हर्ष देऊन जाई.

तो चंदन होता तिच्यासाठी तिच्या दुखऱ्या जखमा शांत करायचा.तिची काळजी घ्यायचा. आजारी पडण्यात पण सुगंधाची ,प्रेमाची लयलूट करणारा चंदन.अगदी जशी त्या चार तासात केली होती त्याने.

ती अजूनही त्याला आठवणीतले चंदन म्हणत होती.
तिला त्याच्या हाताशी आपल्या हाताशी मिळत्या जुळत्या रेषाही कळल्या होत्या पण वय छोटे असल्यामुळे ते ठाम सांगू शकत नव्हती ती.

शेवटी तो चकवाच होता प्रारब्धाचा.ते क्षण ती पकडू शकली नाही.

पण चंदनाचा सुगंध आणि शीतलता तिच्या प्रारब्धात दृढ होत होती.जसे जसे वर्ष उलटत होती ती त्याच्या अधिकाधिक प्रेमात पडत होती.