महाराणी ताराबाई भाग १

बालपणीच माहेरी घोडेस्वारी, युद्धकला याचे धडे त्यांना मिळाले होते. सोयराबाई यांचे चिरंजीव राजाराम महाराज यांच्याशी त्यांचा विवाह झाला तेव्हा त्या आठ वर्षांच्या होत्या. संभाजी महाराज यांना मुघलांनी संगमेश्वर येथे कैद केले. त्यांची अमानुषपणे हत्या करण्यात आली. आता मराठा साम्राज्य रसातळाला जाईल या आनंदात औरंगजेब आणि मुघल सैन्य होते.
संभाजी महाराज यांच्या पत्नी येसूबाई यांनी राजाराम महाराज यांना राज्याभिषेक केला व मराठा साम्राज्याचे नवीन छत्रपती म्हणून त्यांना गादीवर बसवले.
रायगडाला जेव्हा मुघलांनी वेढा दिला तेव्हा राजाराम महाराज, ताराबाई , राजसबाई, यांना येसुबाईंनी गुप्तपणे बाहेर काढले. मुघल वेढ्यातून निसटून ते तेथून बाहेर पडले व जिंजीच्या किल्ल्यावर पोहोचले.
राजाराम महाराजांची थोरली पत्नी जानकीबाई या येसुबाईंसोबत रायगडावर राहिल्या. रायगड जेव्हा मोगलांच्या ताब्यात गेला तेव्हा येसुबाई, जानकीबाई व संभाजी राजे यांचे पुत्र शाहूमहाराज मोगलांच्या कैदेत गेले. त्यामुळे ताराराणी यांना राजाराम महाराजांच्या महाराणीचे पद मिळाले. ते त्यांनी सार्थकी लावले.