रहस्यमयी स्त्री भाग २

त्यांच्या हातातला ग्लास घेऊन काकांनी टेबलावर ठेवला आणि त्यांना धीर देत बोलले असं काही नसतं आणि काही नाही...भास झाला तुला थांब मी आलो बघून ते चित्र तुझ्या समोरच घेऊन येतो .
"नाही नको अजिबात अनु नका ते "
काका अविनाशच्या खोलीकडे वळले आणि या वेळी त्यांनी जाऊन सरळ दरवाजा उघडला , लाईट चालू होतीच ....त्यांनी आपली पहिली नजर अविनाश च्या चित्राकडे वळवली. ते चित्र स्तब्ध होतं एकदम निर्जीव ...काकींनी सांगितलं तसं त्यात काहीच नव्हतं ..
काका त्या चीत्राजवळ गेले, ते चित्र निरखून बघितलं आणि दचकून २ पावलं मागे सरकले. चित्रातल्या माळरानावर असलेलं गवत हलत होतं ..चित्रातल्या बीचे केस हवेवर उडत होते .....हवेने तिचे कपडे पण हलताना स्पष्ट दिसले .
ताबडतोब ते त्या खोलीतून बाहेर आले आणि दरवाजा लावून घेतला. मनातून ते पण घाबरले पण आपण हे सगळं आपल्या बायकोला सांगितलं तर मग ती अजून घाबरून जाईल. एव्हाना रात्रीचा १ वाजला होता. एवढ्या रात्री हा विषय तिला सांगणं म्हणजे चुकीचं होतं.
काही नाही त्या चित्रात , साधं चित्र , कुठे काय तुला हलताना दिसलं देव जाणे, तुझ्या मनात ना अविनाश लहान असल्यापासून त्या चित्रांबद्दल काही न काही संशय आहेतच .
त्यांनी टाळाटाळ केली आणि म्हणाले आपण आज इथेच झोपूया हॉल मध्येच . उद्या बघू बाकी काय असेल ते .