अनुज

अनुजने घसा खाकरला.
"तुझे पती आले होते परवा माझ्या ऑफिसात. माझा ठावठिकाणा कुठून शोधून काढला कोणास ठाऊक? मी ओळखत नव्हतो. त्यांनीच ओळख दिली.ऑफिस सुटल्यावर जवळच्या हॉटेलमध्ये खूप वेळ बसलो. मला म्हणाले हाड वैर तुमच्या आणि तिच्या वडिलांत होते. ज्या इस्टे्टीसाठी दोघे भाऊ वैरी झाले ती इस्टेट आता विकूनही खूप काळ गेला. दोघे भाऊ कैलासवासी होऊन कितीतरी वर्षे झाली. पण त्यांनी त्यांचे वैर तुमच्या पिढीत उतरवले. गेल्या कित्येक वर्षात तुम्ही चुलत भावडानीं एकमेकांचे तोंड पहिले नाही. संवाद नाही. खरेच याची जरूर आहे का? आता इतक्या वर्षात मनातले किल्मीश कशाला ठेवायचे? तिचा भाऊ कितीतरी वर्षांपासून अमेरिकेत जाऊन बसला. तू तिचा सख्खा चुलतभाऊ गावात असून ना तिला माहित, ना तिच्याबद्दल तुला. बघ आता या वयात तरी नाते जोडा..."
अनुज थोडा थांबला.. कदाचित त्याचा गळा भरून आला असावा.