रखमा

चार दिवस झाले मंदार पुन्हा कामानिमित्त शहरात गेला होता, तो नसला की करमतचं नाही, म्हणून आज मुद्दाम खाली उतरलेच नाही,माईंनी दोन तीन वेळा रखमालाही पाठवले न्याहरीसाठी बोलवायला पण मीच नाही गेले, रखमा ही घरच्या कामासाठी माईंची मदतनीस, दिसायला काळी सावळी पण रेखीव होती, तिचे डोळे खूप बोलके, पण सतत कसल्यातरी दडपणाखाली जाणवायची मला ती, मंदारची देखील खूप काळजी घ्यायची. माझ्या पेक्षा मंदारच्या आवडीनिवडी तीलाच जास्त माहीती होत्या आणि माई तर खूप प्रेमळ आहेत तशा, पण दादासाहेंबांची का कुणास ठाऊक खूप भिती वाटते मला, तोंडाने कधी मला प्रत्यक्ष बोलले नाहीत पण त्यांची नजर, खूप आत खोलवर रुजते आणि आपोआपच पोटात भीतीचा गोळा येतो.