रक्तपिंडाचा श्राप भाग २२

समिची ही गावातील सर्वात वृद्ध स्त्री होती. तिचे वय कोणी ठामपणे सांगू शकत नव्हते. काही म्हणत, ती शंभर वर्षांहून अधिक जगली आहे, तर काही जण तिच्या अतीव ज्ञानामुळे तिला अंधश्रद्धेने अमर समजत होते. काही लोक तर तिच्या विचित्र वागण्या आणि बोलण्यामुळे वेडी देखील ठरवत होते. तिचे घर पाड्या पासून थोड्या अंतरावर, दाट झाडीत लपलेले होते. एक जुनी, फाटलेली चादर, ज्याचा तंबू बनवला होता. तो तंबू देखील मोडकळीस आल्याप्रमाणे एखाद्या बाजूला झुकला होता. सभोवती औषधी वनस्पतींच्या कुंड्या आणि धुके सदृश वातावरण फिरत होते. – हे दृश्य कोणाच्याही काळजाचा थरकाप उडवणारे होते.