रंग प्रेमाचा. भाग -३

तब्बल दहा वर्षांपूर्वी ती त्याला पहिल्यांदा भेटली होती. कामिनी ताईंच्या घरी. अपघातामुळे कमरेखालचा भाग निकामी होऊन त्या अंथरुणात पडल्या होत्या तेव्हा त्यांच्याकडे स्वयंपाकपाण्याचे काम करणारी सुमन त्यांची देखभाल करण्यास रुजू झाली. एकदा अचानक तिचीच तब्येत खालावली म्हणून तिच्याऐवजी तारा त्यांच्या मदतीला गेली आणि त्याचवेळी विशु.. म्हणजे कामिनीताईंचा लाडका भाचा तिथे त्यांना भेटायला आला होता.