रंगात तुझ्या रंगतांना भाग 1

सुंदर अश्या समुद्र किनारी छान वातावरण होत. तो आणि ती हातात हात घालून पूर्ण जगाला विसरून एकमेकांशी बोलत मऊ वाळूतून फिरत होते. मध्येच एक लाट येत होती दोघांचे पाय ओले करून जात होती. भरती नुकतीच सुरू झाली होती. आता पाण्यात चालण मुश्किल झाल होत.
"नको इथे रवी पाणी वाढत आहे चल किनार्‍यावर," अनघा घाबरून त्याला बिलगली.
रवी हसत होता. "काय अस थांब अनघा. एवढी घाबरते का तू," इतक्यात एक मोठी लाट आली ती सरकली, घाबरून तिने रवीला मिठी मारली, तो खूप खुश होता, त्याने तिला अजून जवळ घेतल. "डोळे उघड अनघा बघ किती छान वाटत. "
" रवी प्लीज चल इथून. "
त्याने तिला घट्ट धरून ठेवल होत, तो हसून तिच्या कडे बघत होता, ते दोघ किनार्‍याला येत होते, मागून एक मोठी अक्राळ विक्राळ लाट आली. काही समजण्याच्या आत रवीला सोबत घेवून गेली.
रवी... अनघा किंचाळत झोपेतून उठुन बसली. खूप रडत होती ती. कुठे आहे तू रवी? ये ना. माझ्या एकटी कडून नाही होत आता. तुझी गरज आहे मला.
काय उपयोग होता पण हे बोलून आणि रडून ही. रवी दूर निघून गेला होता कायमचा.