जाणीव भाग एक

उच्चशिक्षित शाल्मलीने लग्नानंतर नोकरी न करता पूर्णवळ घरासाठी दिला होता. सुरुवातीला काही वर्ष दोघांचाही संसार सुखाचा होता. आदित्य ही एका कंपनीत चांगल्या पदावर काम करायचा. काही वर्षांनंतर आदित्यला एका दुसऱ्या कंपनीतून चांगल्या जॉबची ऑफर आली. पगारही आत्ताच्या नोकरीपेक्षा दीडपट मिळणार होता, म्हणून आदित्यने ती ऑफर स्वीकारली आणि त्या कंपनीमध्ये रुजू झाला. हळूहळू मित्र जमत गेले. आधी वीकेंडला चालणाऱ्या पार्ट्या आणि त्यात घेतली जाणारी ड्रिंक हळूहळू व्यसन बनत गेली. दररोज दारू पिऊन घरी येणे आणि नशेमध्ये शाल्मलीला शिवीगाळ करणे आता रोजच झालं होतं.