दसरा स्पेशल घारगे

खेड्यात जवळपास प्रत्येकाच्या परसदारी ही वेलवर्गीय भाजी असते. याची भाजी खाताना लहान मुले नाक मुरडतात पण याची गोष्ट ऐकताना मात्र तल्लीन होऊन ऐकतात. ही गोष्ट आहे लाल भोपळ्याची, " चल रे भोपळ्या टुनुक टुनुक म्हणत भोपळ्यात बसून लेकीकडे जाणाऱ्या आजीबाईचा भोपळा तोच हा लाल भोपळा.
मुलं जरी भोपळ्याची भाजी खायला नाक मुरडत असली तरी क जीवनसत्त्वे, कॅल्शियम आणि फायबर, पोटॅशियम भरपूर प्रमाणात असते. शरीरात रोगप्रतिकारक शक्ती निर्माण करणारा भोपळा आरोग्यासाठी अत्यंत उपयुक्त आहे. त्यामुळे मुलांच्या पोटात बेमालूमपणे कसा घालायचा हे त्यांच्या आयांना चांगलेच माहीत असते. मग त्या बनवतात भोपळ्याचे घारगे. मुले आवडीने खातात तेव्हा त्यांना कळत देखील नाही की यात भोपळा आहे. एवढा तो स्वादिष्ट बनतो.