जावई बापू पुन्हा असे रुसायचे नाही

तिने ही ठरवले ,ठीक आहे मी नाहीच जाणार माहेरी मान्य आहे...त्यांनी माझ्या नवऱ्याचा इतका मोठा अपमान केला, त्याची मानहानी केली..त्याला चार चौघात बोलले..छोट्या जावयाला सोन्याची चैन केली ,ह्याला नाही केली...छोट्या जावयाला गाडी पाठवली ह्यांना नाही पाठवली...छोट्या जावयाला पैसे दिले ह्यांना नाही दिले... मी ही सांगते दादाला...माझा नवरा इतका गुणाचा त्याला तुम्ही लग्न हवे तिथे ,हवे तसे...हवे तितक्या माणसात लावून दिले...त्यात मोठे रिसेप्शन ही करून दिला...त्यांना मोठी नौकरी लागावी म्हणून लाखो रुपये दिले...त्यांना बदली हवी होती त्यांच्या गावी म्हणून तिथे बदली साठी पैसे ही दिले...आणि त्यात ते आम्हाला घर घेण्याचे मोठे स्वप्न बघत होते..ज्याच्यासाठी त्यांनी काय मागून मागितले तर अजून लाखो रुपये मागितले...ते तुम्ही सहज घर विकून...जमीन विकून रस्त्यावर येवून... सोने नाणे ,दागिने मोडून...किडन्या विकून ही देऊ शकला असतात तरी तुम्ही त्यांना पैसे दिले नाहीत...त्यांचा हा किती मोठा अपमान तुम्ही केला आहे ह्याची जरा ही जाणीव नाही तुम्हाला...बायको हे म्हणत होती..तसे तसे तो हळूहळू सरळ होत होता.