ऋतुकाश...प्युअर लव भाग 1

ऋतुजा देशमुख.. लहानपणापासून लाडात वाढलेली आई वडीलांची म्हणजेच विक्रम देशमुख आणि मधुरा देशमुख यांची एकुलती एक 26 वर्षाची मुलगी...
विक्रम देशमुख नावाजलेले बिझनेसमन... त्यांचा स्वतःचा मोठा एम्पायर होता.
ऋतुजा एकुलती एक असल्यामुळे कुठल्याही गोष्टीला नकार मिळाला नव्हता. लहानपणापासून अभ्यासात हुशार होती, पहिला नंबर कधीच चुकायचा नाही. शाळेत सगळ्यांची लाडकी होती. अभ्यास असो वा क्रीडाक्षेत्र कुठल्याही क्षेत्रात ती अव्वल असायची.
दिसायला गोरीपान, नाकनक्षी सुंदर पाहताक्षणी कुणालाही आवडेल अशी..
बालपण मजेत गेलं, शाळा संपून कॉलेजला अ‍ॅडमिशन घेतलं. तिला स्पर्धात्मक परीक्षा द्यायच्या होत्या म्हणून तिने आर्ट मधून ग्रॅज्युएशन करण्याच ठरवलं.. तिच्या आई बाबांचा तिला पूर्ण पाठींबा होता..
कॉलेजमध्ये पण नाटक, एकांकिका, वादविवाद स्पर्धा यात पुढे असायची.. सगळ सुरळीत सुरू असताना तिच्या आयुष्यात आला तो...