ऋतुकाश प्युअर लव भाग 25

हळूहळू मी त्याच्यात गुंतत गेले, त्याला मात्र याची पुसटशी कल्पनाही नव्हती.
याच दरम्यान बाबांचे आणि प्रकाशचे खटके उडाले. बाबांची इच्छा होती त्याने कंपनी जॉईन करावी पण प्रकाशला ते मान्य नव्हतं.
दोघांमध्ये वाद झाला आणि प्रकाश घर सोडून निघून गेला, मी सैरभैर झाले कुठे शोधू? काय करू काहीच कळत नव्हतं. आठ दिवसानंतर त्याच्या फोन आला, त्याचा आवाज ऐकून माझा जीवात जीव आला.
मी त्याला भेटायला बोलवलं, घरी यायला तयार नव्हता म्हणून बाहेर भेटायला बोलावलं. आमची बागेमध्ये भेट झाली. समोर येताच त्याला कडकडून मिठी मारली. आज मी त्याला माझ्या मनातलं सगळं सांगितलं, माझं त्याच्यावर प्रेम आहे तो मला खूप आवडतो आणि मला त्याच्यासोबत आयुष्य घालवायचंय.
त्याला काहीच ध्यानीमनी नसताना हे सगळं घडलं त्यामुळे थोडा अस्वस्थ झाला, काय बोलावं त्याला सुचेना, तसाच खाली बसला.