ऋतुकाश प्यूअर लव भाग 60 अंतिम

"नाही बाळा तू चुकीची नव्हतीस, चुकीची कदाचित समोरची व्यक्ती होती. मी तुझ्या प्रेमावर शंका घेणारच नाही तू खरं प्रेम केलं होतंस मला माहिती आहे. पण कधी कधी  आपल्याला जे हवं असतं ना ते मिळत नाही जे मिळणार नाही असं वाटतं तेच आपल्या आयुष्यात येतं. मी जे केलं ते चुकीचं होतं पण काही हरकत नाही आज तुझ्या आयुष्यात हा आनंदाचा दिवस आलाय हा एन्जॉय कर. आता मागच्या कुठल्याही गोष्टींची आठवण करायची आहे किंवा तो विषय पण काढायचा नाही. आता तुझ्या आयुष्यात फक्त आनंद आणि आनंदच येणार आहे बाळा, काळजी घे." असं म्हणून तिचे बाबा तिथे निघून गेले.
'बाबा मी आकाशला सगळं सांगितलंय आणि त्याने मला समजून घेतलं.' ती मनोमन बोलली, डोळे बंद केले आणि
अलगद तिच्या डोळ्यातून अश्रू बाहेर पडले.