सागराला ओढ किनाऱ्याची!!(भाग ४)

पण, श्रीकांतच्या मनावर, हृदयावर आता शरयूचेच नाव कोरले गेले होते. त्या पहिल्या भेटीतून तो अजूनही बाहेर आला नव्हता. उठता- बसता खाता -पिता त्याला फक्त आणि फक्त शरयुच दिसत होती. तिचे ते लाजणे, चोरून श्रीकांतकडे बघणे, गालावर रुळनारी बट नाजूकशा बोटांनी हलकेच कानामागे सरकवणे, पण तरीही तिचे पुन्हा पुन्हा गालावर येणे सारे काही नजरेत, हृदयात साठवले होते श्री ने. त्यामुळे आता कितीही मॉडर्न मुली समोर आणून उभ्या केल्या मालतीताईंनी, तरी त्याचा श्रीकांतवर काहीही परिमाण होईल असे वाटत नव्हते.