सामर्थ्य भक्तीचे : वेळ पुनर्मिलनाची : भाग तिसरा

म्हाळसा कोण होती आणि तिच्याजवळ असलेल्या शक्तींविषयी, तिच्या सदाशिववरच्या प्रेमाविषयी व खंडोबावरच्या अगाध भक्तीविषयीची माहिती शूलपाणि यांच्याकडून ऐकताना जनाबाईंचे डोळे पाणावतात व यावेळी आपल्या नातीच्या पाठीशी ठामपणे उभे राहण्याचे ठरवतात. जोवर ती आणि मार्तंड एक होत नाही तोवर जिवंत ठेवण्याचे साकडे मनोमन त्या अंबेमातेला घालतात. नेमके त्याचवेळी “एवढ्यात तुमचे प्रस्थान होणार नाही आजीबाई, अजून खूप काही करायचे आहे तुम्हाला! त्यामुळे निर्धास्त रहा.” असे शूलपाणि यांनी आश्वस्त करताच त्या चकित होतात. हा माणूस काही साधासुधा नाही हे याची खात्री त्यांना त्याक्षणी झाली.