समांतर जगाचा प्रवासी भाग. ४

ती तरुणी थोडा वेळ काहीच बोलली नाही. ती फक्त सिद्धार्थ कडे पाहत राहिली.
“येथे नावं जुळतात, पण बोलली जात नाहीत. आपली सगळी ओळख फक्त कृतीत असते.”
तरुणीच्या या बोलण्याचा सिद्धार्थला काहीच अर्थ लागला नाही. नाव जुळतात म्हणजे काय ? सगळी ओळख कृतीत असते म्हणजे काय,? याचा काहीच अर्थ त्याला कळला नाही .हे त्याच्या चेहऱ्या वरून तरुणीने ओळखलं
त्याने खिशातून कडं काढून दाखवलं.
“हे तुला माहिती आहे का?”
सिद्धार्थने विचारलं.

तिने हात पुढे केला, पण त्या कड्याला स्पर्श करण्याआधीच आपला हात मागे घेतला आणि म्हणाली,
“हे निवडीचं बीज आहे. एकदा ते सक्रिय झालं की प्रवासी स्वतःचं जग निवडल्या शिवाय सुटत नाही.”