समर्पण-एक प्रेमकथा भाग १०३

नीरव हातात मोबाईल घेऊन घराबाहेर लॉनवर गेला, तेथील खुर्चीत बसून तो विचारात पडला,
‘मी नीरजाकडे खेचला जातोय का? आज तिच्याकडे बघून मनात काहीतरी झालं. तिच्यासमोर जाऊन तिचा चेहरा ओंजळीत घ्यावा वाटत होता. तिच्या केसांमधून हात फिरवण्याची इच्छा होत होती. तिला जवळ घ्यावेसे वाटत होते. हे मला काय होतंय, मला तिच्याबद्दल प्रेम वाटतेय की हे फक्त आकर्षण आहे?’
नीरवच्या मनात आपल्याच वागण्याबद्दल संभ्रम निर्माण झाला होता. नीरवने डोळे झाकले तर काही वेळापूर्वी बघितलेला नीरजाचा चेहरा त्याच्या डोळ्यासमोर आला आणि त्याने खाडकन डोळे उघडले.