आई की सासू? भाग २

खरं तर तुषारला टेन्शन आले होते, आपल्याला एका दमात चढणे शक्य होणार नाही हे त्याला माहित होते. त्यावेळी बघू असा त्याने विचार केला. प्रत्यक्षात चढताना त्याला दम लागतोय हे पाहून प्रज्ञाने आपला चालण्याचा वेग मंदावला होता. थोड्या थोड्या अंतरावर ती स्वतः बसत होती. त्याला ऑकवर्ड वाटू नये यासाठी ती प्रयत्नशील होती हे तुषारच्या लक्षात आले. तसेच तिला आपली काळजी आहे हे लक्षात आल्याने तो सुखावला.