संघर्षाची हार - भाग - 2

घरातली पुरुष मंडळी मंडपात बसून गप्पा मारू लागली. स्त्री वर्ग किचन मध्ये जेवण करण्यात व्यस्त राहू लागला, आलेले सर्व बाळ - गोपाळ अंगणात खेळू लागले. घरातलं पहिलंच लग्न त्यामुळे सर्व जण अतिशय उत्साही होते. नवऱ्याकडची मंडळी लग्नाच्या आदल्या दिवशी येऊन गावातल्याच एका घरी वस्तीसाठी राहणार होते. लग्नाचा मुहूर्त दुपारी बारा वाजताचा होता.
लग्नाचा दिवस उजाडला. करवल्या सजल्या, काकीं, आत्या, मामी, ताई सगळ्या छान सजल्या होत्या, केसात गजरे माळले होते, सर्वांनी हातात छान चुडा भरला होता. लहान लहान मुलींनी सुंदर परिसारखे फ्रॉक घातले होते. मंगल कार्यालयच्या दरवाजाबाहेर दोन स्त्रिया उभ्या राहुन सर्व लग्नाला येणाऱ्या स्त्रियांना हळद - कुंकू लावत होत्या. सर्व जण नवरा - नवरी च्या स्वागतासाठी सज्ज झाले होते.