संघर्षाचे दुसरे नाव रेश्मा बोडके

एम.बी.ए.पुर्ण झाले होते घरात आईवडिलांनी लग्नाचा विषय काढला.नात्यातील मुलगा शोधला होता तो रेश्माजींचा खास मित्र होता.दोघांची लग्नगाठ
बांधली होती. लग्नकार्य पार व्यवस्थित पार पडले.सगळेजण आनंदात होते.पण नियतीला कांही वेगळेच मंजूर होते.हातावरची मेंदी अजून ताजी होती.लग्नाला दहा दिवस झाले नव्हते अशावेळी रेश्माजींच्या पती देवाने हिरावून घेतला होता. जीवनात पहिले पाऊल ठेवताना रेश्माजींना हा जबर धक्का बसला होता.जीवन जगणं असह्य झाले होते.कोणत्या आशेने जीवन जगायचं हा यक्ष प्रश्न त्यांंच्यापुढे होता.शेवटी ज्या जन्मदात्यांनी जन्म दिला त्यांच्या आठवणी त्यांना जगण्याचं बळ देतात.एका कर्तबगारी मुलीवर काळाने केलेला हा आघात दुर्दैवी होता.सारी स्वप्ने बेचीराख झाली होती पण आईवडिलांचे संस्कार व जिद्द जगण्याला आधार देत होती.रेश्माजींची आयुष्याची ही दर्दभरी कहाणी काळजाचा ठोका चुकवते.त्यांचा हा जीवनप्रवास विचारमंथन करण्यास प्रवृत्त करतो.