सांज वेडी भागली....(भाग -२)

   "नाही मॅडम, आता त्याचा काही उपयोग नाही. मुळात त्या माणसाला आधी मुल नको होते. डबल इन्कम नो किड असे धोरण होते त्याचे. लग्नाला सहा वर्षे होऊन खोटा  वांझोटेपणाचा कलंक घेऊन वावरत होते. देवाची कृपा की काय एक दिवस आमचे नकळत जास्त प्रेम बहरले आणि माझी श्रिया माझ्या आयुष्यात आली. तरीही ह्या माणसाला तिच्याबद्दल काहीच वाटत नव्हते. घरात दोन दोन पुतणे, त्यांना हा कायकाय घेऊन यायचा. आणि माझं पाळण्यातल्या पिल्लूसाठी साधा खुळखुळा आणला नाही की पाळणा झुलवला नाही. सगळे आधीच मुलगी म्हणून तिच्याशी नीट वागत नव्हते. त्या दिवशी हा तिच्या पाळण्याजवळ बसून दारूचे घोट रिचवत  होता ते पाहून मी त्याच क्षणी घर सोडले. असो जे काही होते ते झाले, मला माझं बाळ हवंय फक्त.. येते मी." असे बोलून ती डोळ्यातील अश्रू पुसत चेंबरबाहेर निघून गेली.