संरक्षण भाग पाच

काय मागतेस इतकं देवाकडे ?? या प्रश्नाने तिने डोळे उघडले आणि बाजूला पाहिले तर निरज तिच्याकडे बघत तिला विचारत होता. तशी ती म्हणाली,मागत काहीच नव्हते, ध्यान करत होते डोळे मिटून. पण तू इथे का आलास?? अंकिता एकटीच सांभाळत आहे का मुलांना ?? त्यावर निरज म्हणाला, नाही खरतर सगळीच मुले दमली आणि पाणी पिण्यासाठी गाडीत बसली आणि तिथेच झोपी गेली. अंकिता पण खूप थकली होती त्यामुळे तिला ही आराम करायचा होता ती पण मुलांसोबत झोपली गाडीतच. पण मला झोप येत नव्हती त्यामुळे इथे दर्शनासाठी आलो आहे. त्याचे उत्तर ऐकून ती म्हणाली, आणि कुणाल ?? तुझा नवरा गार्डन मध्ये मगाशीच झोपला आहे, अजून दोन तास तरी तो उठणार नाही असेच वाटत आहे. अजून काही विचारायचे आहे का मॅडम ?? खाली मान घालुन हात छातीवर ठेवत निरज म्हणाला, तशी नंदिनी म्हणाली नाही काहीच नाही. तू घे दर्शन मी गाडीत जाऊन बसते म्हणत नंदिनी उठली, तसे निरज ने पटकन तिचा हात पकडुन तिला खाली ओढले आणि म्हणाला, काय करणार आहेस तू गाडीत जाऊन ?? सगळे आडवे तिडवे कसेही झोपले आहेत, दार पण बरेच प्रयत्न करून बंद केले आहे मी. त्यात तू कुठे जात बसतेस?? बस ना इथेच. निरज च्या या बोलण्यावर नंदिनी ने आपला हात सोडवून घेतला आणि म्हणाली, असुदे तरीही मी जाते. मी एकटा असताना माझ्या सोबत बसण्याची भीती वाटते हे सांगना नंदू. निरज च्या या बोलण्यावर नंदिनी ने त्याच्याकडे पाहिले आणि म्हणाली, तू म्हणतोस ते खरं असेलही निरज पण खरतर मी संधी शोधत होते तुला एकट्याला भेटण्याची. नंदिनी च्या या बोलण्यावर निरज खूप खुश होत म्हणाला, बोल ना नंदू, काय बोलायचे होते तुला माझ्याशी ?? मला तुझी माफी मागायची होती निरज. त्या दिवशी मी तुझ्यावर खूप ओरडले त्यासाठी. मलम लावताना मी विचारले होते तुला पण नीट बोलणे झाले नाही. तू मला माफ केलेस ना ?? हे ऐकून निरज चा चेहरा पडला आणि तो म्हणाला, हो ग नंदू, कधीचा विसरून गेलो आहे मी ते सगळच. पण फक्त इतकंच बोलायचे होते तुला ?? निरज च्या या प्रश्नावर हो असे उत्तर देऊन नंदिनी जायला वळली तसा निरज खूप चिडला आणि तिचा हात पकडुन तिला स्वतःकडे खेचून घेत म्हणाला, तू खूप बदलली आहेस नंदू, खूप जास्त. मला तुझ्यात माझी पूर्वीची नंदू दिसतच नाही कुठे. इतकी का बदललीय की मला तुझ्यात वेगळ्याच नंदिनी चा भास होतो आहे ?? निरज सोड मला, काय करतोस तु ?? कोणी पाहिले तर ?? कोणी कशाला कुणाल किंवा अंकिता यापैकी कोणी पहिले तर संसार मोडेल कोणा एकाचा, कळत कसं नाही तुला?? नाही सोडणार आता तर नाहीच सोडणार नंदू, म्हणत निरज ने त्याची पकड मजबूत केली आणि पुन्हा तिला जास्तच जवळ ओढून घेत म्हणाला, होऊदे काय व्हायचं ते पण मला आज तुझ्याशी बोलायचे आहे आणि ते ही आत्ता. का टाळते स मला ?? तू सगळं काही विसरली आहेस का?? पण मी नाही विसरलो काहीच मला.. बास निरज, काय अर्थ आहे का तुझ्या या वागण्या बोलण्याला ?? हो तू म्हणतोस ते खरं आहे मी बदलले आहे आणि परिस्थिती भाग पाडते वेळ पडेल तसे वागायला बोलायला. मी ही बदलले आहे आणि हे तू ही समजून घे. सोड मला जाऊदे म्हणत तिने हात सोडवून घेतला आणि ती मंदिरा बाहेर आली.