संसार भातुकलीचा भाग ६(अनोखी प्रेम कथा)

"घटस्फोट घेतल्यानंतर पुढच्या तीन दिवसातच आमच लग्न झालं आणि अर्पिता ताईंच्या फोटो समोर उभ राहून शपथ घेतली मी. तुमच्या लेकीचा सांभाळ माझी लेक म्हणूनच करेन. विक्रांतने सुद्धा माझ माधुरी नाव बदली करून अर्पिता ठेवलं. त्याला त्याच्या आयुष्यातून अर्पिता ताईंना कधीच वजा होऊ द्यायचं नव्हत. मनाविरुद्ध असल तरी मी पण ते नाव स्वीकारलं आणि माधुरीची अर्पिता झाले. लग्नाच्या पहिल्या रात्रीच विक्रांतने मला सांगितल होत. शिवंण्या त्याची आणि अर्पिताच्या प्रेमाची निशाणी आहे आणि आई म्हणून त्याला शिवंण्याच्या नावापुढे अर्पिता ताईंच नाव हवं होत. मी ही समजून घेतल्या त्यांच्या भावना कारण मी माझं बाळ गमावलं होत. इतके महिने शिवंण्यासाठी घरी ये जा करत होते त्यामुळे विक्रांतचा स्वभाव ओळखायला लागले. आधीपासून प्रेम नसल म्हणून काय झालं सहवासातून प्रेम निर्माण होऊच शकत. मला विक्रांत आवडायला लागला. आम्ही कधी जवळ आलो आणि एक झालो समजलच नाही. आज सहा वर्ष झाली आमच्या नात्याला. विक्रांत आता असा का वागतोय समजतच नाहीये. कधी काळी प्रेमाने जवळ येणारा, आम्हाला वेळ देणारा विक्रांत दुरावत चालला आहे अस वाटते. हल्ली तो वासनांध झालेला असतो. घरी उशिरा येणे, मित्रांसोबत रोज ड्रिंक करणे हे त्याच सवयीचं होत चाललंय." अर्पिता म्हणाली.